Fréttir


Keeping the youth athlete on track

25-07-2020

Dagana 28. og 29. ágúst nk. verður haldið eins dags námskeið í Reykjavík og Akureyri um þroska og þróun ungra íþróttaiðkenda og þá þætti sem geta haft áhrif á íþróttaferil þeirra undir yfirskriftinni „Keeping the youth athlete on track“

Aðalfyrirlesari verður Dr. Amanda Johnson en að auki munu sjúkraþjálfararnir Einar Einarsson, Gauti Grétarsson og Stefán Ólafsson koma að verklegri kennslu.

Það er ekki oft sem við fáum manneskju af þessum kaliber með erindi um þetta þarfa málefni en Amanda hefur m.a. starfað sem yfirsjúkraþjálfari yngri landsliða karla og kvenna Englands í knattspyrnu og í 10 ár sem yfirsjúkraþjálfari hjá Manchester United á þeim tíma þegar goðsögnin Alex Ferguson var við stjórnvölinn.

Skráning og nánari upplýsingar má sjá á  https://ptassistance.com/keeping-the-youth-athlete-on-track/  en nánari upplýsingar um viðburðinn veitir Andri Marteinssonandri@fjarmedferd.is

Aðalfundur KÞÍ

17-06-2020

Ágætu félagsmenn og aðrir hlutaðeigandi.

Hinn 4. júní sl. var aðalfundur KÞÍ haldinn í höfuðstöðvum KSÍ. Um 15 manns sóttu fundinn en honum var einnig streymt á fésbókarsíðu félagsins. Er þetta í fyrsta sinn sem það er gert og virðist það hafa tekist nokkuð vel. Þá er þetta einnig í fyrsta sinn sem aðalfundur KÞÍ er í júní. Það á sér tvenns konar skýringar, annars vegar vegna breytinga sem urðu á lögum KÞÍ á síðasta aðalfundi þess efnis að nú er reikningsárið almanaaksárið og því fer aðalfundur fram á tímabilinu febrúar til apríl ár hvert og hins vegar tafir vegna COVID-19.

Aðalfundur KÞÍ 4. júní

01-06-2020

Um leið og við minnum á aðalfund KÞÍ sem verður fimmtudaginn 4. júní n.k, í höfuðstöðvum KSÍ á 3. hæð minnum við á að einungis félagsmenn hafa atkvæðisrétt á fundinum. Hvetjum við þau sem einhverra hluta vegna hafa ekki greitt árgjaldið en ætla sér að greiða að gera það fyrir aðalfundinn. Hægt er að greiða inn reikning félagsins með skýringuna „árgjald 2020“: 0140-26-051279 (kt. 501279-0139). Árgjaldið er hóflegt, 6.000 kr. (500 krónur á mánuði).

Þá er athygli vakin á því að unnt er að skrá sig í félagið á heimasíðu félagsins, www.kthi.is - Gerast félagi.

Þjálfararáðningar

31-05-2020
Til þeirra sem málið varðar.
Knattspyrnuþjálfarafélag Íslands (KÞÍ) skorar á yfirþjálfara og þau sem koma að ráðningum þjálfara knattspyrnudeilda landsins til þess að huga tímanlega að ráðningum þjálfara fyrir næsta tímabil.

Vestri auglýsir eftir yfirþjálfara

29-05-2020

Auglýsing frá Vestra: 

Knattspyrnudeild Vestra leitar að öflugum einstakling til að taka að sér starf yfirþjálfara yngri flokka félagsins. Starfshlutfallið er sveigjanlegt, getur verið 50-100% eftir samkomulagi. Hluti af vinnunni verður almenn þjálfun yngri flokka. Leitað er að metnaðarfullum einstaklingi með brennandi áhuga á knattspyrnuþjálfun.

Aðalfundur KÞÍ 4.júní

19-05-2020

Ágætu félagsmenn og aðrir hlutaðeigandi!

Aðalfundur Knattspyrnuþjálfarafélags Íslands (KÞÍ), sem frestað var vegna COVID-19, verður haldinn í fimmtudaginn 4. júní nk., kl. 18. Fundarstaður er fundarsalur í höfuðstöðvum KSÍ, 3. hæð.

Hvatning til þjálfara

01-05-2020

Góðan daginn kæru þjálfarar og velunnarar félagsins og til hamingju með daginn.

Við viljum byrja á því að þakka þeim fjölmörgu sem hafa greitt árgjald KÞÍ í ár og að við erum mjög þakklát fyrir það að nú þegar hafa 60 fleiri en á síðasta starfsári greitt og lítum við svo á að þjálfarar og aðrir velunnarar félagsins eru ánægð með það sem við höfum fram að færa en betur má ef duga skal og er það mjög mikilvægt fyrir ykkur að við séum fjölmenn og öflugur þrýstihópur.

Hvetjum við konur, jafnt sem karla til þess að greiða árgjaldið

Fréttatilkynning til fjölmiðla

24-04-2020

Ágætu félagsmenn og aðrir hlutaaðeigandi!

Stjórn KÞÍ hefur komið eftirfarandi tilkynningu á framfæri við helstu fjölmiðla landsins:

Til þeirra sem málið varðar!

Að gefnu tilefni vill stjórn Knattspyrnuþjálfarafélags Íslands (KÞÍ) koma eftirfarandi á framfæri.

Niðurstöður úr könnun meðal knattspyrnuþjálfara

19-04-2020

Knattspyrnuþjálfarafélag Íslands stóð fyrir könnun á meðal íslenskra knattspyrnuþjálfara um stöðu þeirra vegna kórónaveirunnar dagana 4.-13. apríl. Hér að neðan má sjá niðurstöður úr könnuninni.

Pistill frá stjórn KÞÍ

14-04-2020

Kæru knattspyrnuþjálfarar.

Stjórn Knattspyrnuþjálfafélags Íslands (KÞÍ) vill byrja á að þakka þeim fjölmörgu sem hafa brugðist við að undanförnu og greitt árgjald félagsins. Brýnt er nú um stundir að þjálfarar standi saman og bindist samtökum.  

Þjálfarabók KÞÍ

11-04-2020

Gjöf KÞÍ til þeirra sem greiða árgjald í ár er sérlega glæsileg og kemur vonandi til með að nýtast félagsmönnum vel. Er hún sérhönnuð bók fyrir þjálfara sem smellpassar í þjálfaraúlpuna góðu. Er það Kristófer Sigurgeirsson knattspyrnuþjálfari sem á veg og vanda að hönnun bókarinnar.

Viðtal við gjaldkera KÞÍ

09-04-2020

Stjórn KÞÍ vill vekja athygli á viðtali við Birgi Jónasson gjaldkera félagsins á Sportinu í gær, miðvikudag. Til umfjöllunar var staða knattspyrnuþjálfara vegna COVID-19.

https://www.visir.is/g/2020141977d/segir-stodu-knattspyrnuthjalfara-thunga?fbclid=IwAR2mNw4W2JFgAkT8PO_EYBUJ_TkT2SFeuPkH8f4t6h6wwcrpI6iKNgOe9Us

Könnun á stöðu íslenskra knattspyrnuþjálfara lýkur í dag

09-04-2020
Síðasti dagur til að svara könnuninni. Stjórn KÞÍ hvetur félagsmenn til þess að taka þátt. Stjórnin hyggst vinna úr niðurstöðum, birta þær og taka mið af þeim sjónarmiðum sem þar koma fram í hagsmunagæslu fyrir félagsmenn.

Ágæti knattspyrnuþjálfari

06-04-2020

Ágæti knattspyrnuþjálfari.

Stjórn KÞÍ vill koma á framfæri að stjórnin vinnur, ásamt öðrum innan knattspyrnuhreyfingarinnar, að lausnum á þeim mikla vanda sem blasir við vegna COVID-19. Ljóst er að erfiðir tímar eru framundan hjá knattspyrnuhreyfingunni, líkt og samfélaginu öllu, enda fyrirséð að tekjur félaga muni minnka vegna efnahagssamdráttar, a.m.k. til skemmri tíma. Óvíst er á þessari stundu að hve miklu leyti aðgerðir ríkisstjórnar Íslands munu hafa og hvort og hvernig þær munu draga úr því höggi sem íþróttahreyfingin mun verða fyrir.

Könnun á stöðu íslenskra knattspyrnuþjálfara

06-04-2020

Knattspyrnuþjálfarafélag Íslands stendur nú fyrir könnun á meðal íslenskra knattspyrnuþjálfara um stöðu þeirra vegna kórónaveirunnar.

Könnunina má nálgast hér. Mikilvægt er að sem flestir þjálfarar svari. Ekki er hægt að rekja niðurstöður til einstakra þjálfara.

https://forms.gle/rRPD8n8KK9m7ymx19

Virðingarfyllst

Stjórn Knattspyrnuþjálfarafélags Ísland

Coerver þjálfaranámskeið á netinu

06-04-2020

Coerver Coaching á Norðurlöndum verður með þjálfaranámskeið(online) fös 10. apríl nk. Námskeiðið fer fram á ensku. Skráning er hafin og fer fram hér https://coerver.is/product/Online-jlfaranmske
Um er að ræða 90 min námskeið og 3ja mánaða fullan aðgang að æfingasafni Coerver Coaching.

Yfirlýsing KÞÍ vegna Covid-19

27-03-2020

Ágæti knattspyrnuþjálfari.

Stjórn KÞÍ vill koma á framfæri að stjórnin vinnur, ásamt öðrum innan knattspyrnuhreyfingarinnar, að lausnum á þeim mikla vanda sem blasir við vegna COVID-19. Ljóst er að erfiðir tímar eru framundan hjá knattspyrnuhreyfingunni, líkt og samfélaginu öllu, enda fyrirséð að tekjur félaga muni minnka vegna efnahagssamdráttar, a.m.k. til skemmri tíma. 

Aðalfundi KÞÍ frestað

15-03-2020

Vegna samkomubanns hefur fyrirhugðum aðalfundi Knattspyrnuþjálfarafélags Íslands (KÞÍ) sem átti að fara fram 30. mars verið frestað.
Aðalfundinum er frestað um óákveðinn tíma en að óbreyttu er stefnt á að hann fari fram í síðari hluta apríl.

Aðalfundur KÞÍ 30.mars

12-03-2020

Aðalfundur Knattspyrnuþjálfarafélags Íslands (KÞÍ) verður haldinn í fundarsal KSÍ á 3. hæð mánudaginn 30. mars nk., kl. 18.

 

Pistill frá stjórn KÞÍ

24-02-2020

Ágætu knattspyrnuþjálfarar

Stjórn Knattspyrnuþjálfarafélags Íslands (KÞÍ) vill vekja athygli á sameiginlegum fræðsluviðburði KÞÍ og KSÍ í Fífunni á miðvikudag þegar danski knattspyrnuþjálfarinn Kasper Hjulmand kemur hingað til lands. Viðburður þessi hefur þegar verið auglýstur, sjá t.d. http://kthi.is/read/2020-02-17/kasper-hjulmand-26-februar-2020/.  Viðbrögð hafa verið góð og allmargir hafa þegar skráð sig sem er ánægjulegt.

Stjórn KÞÍ vill hvetja sem flesta að sækja viðburðinn sem er félagsmönnum að kostnaðarlausu. Þá vill stjórnin enn fremur þakka þjálfurum fyrir góð viðbrögð við greiðslu árgjaldsins fyrir árið 2020 en greiðsluseðlar voru sendir út um síðustu mánaðamót. Viðbrögðin eru betri en undanfarin ár og sérstaklega er ánægjulegt að sjá að konum í félaginu hefur fjölgað. 


Samstarfsaðilar