Fréttir


Helgi Kolviðsson tekur við Wiener Neustadt

25-11-2014
Helgi Kolviðsson hefur verið ráðinn þjálfari Wiener Neustadt í austurrísku úrvalsdeildinni. Helgi þjálfaði áður Austria Lustenau í B-deildinni í Austurríki en hann hætti þar fyrr á þessu ári. 

 

Fyrirlestrar um þjálfun ungra og efnilegra leikmanna

25-11-2014
Laugardaginn 29. nóvember verður Knattspyrnusamband Íslands með tvo fyrirlestra er tengjast þjálfun ungra og efnilegra leikmanna.  Ráðstefnan fer fram í höfuðstöðvum KSÍ á Laugardalsvelli.

Þjálfaraskipti hjá KV - Hjörvar Ólafs tekur við

20-11-2014
merki KVPáll Kristjánsson er hættur þjálfun KV en Hjörvar Ólafsson tekur við. KV féll úr 1. deildinni á liðnu sumri eftir eins árs dvöl þar og leikur því aftur í 2. deild næsta sumar. 

 
 

Páll Viðar tek­ur við liði Völsungs

20-11-2014
Páll Viðar Gísla­son er tek­inn við þjálf­un þriðju­deild­arliðs Völsungs í knatt­spyrnu að því er fram kem­ur á fot­bolti.net.

Edda í þjálf­arat­eymi KR

19-11-2014
Edda Garðars­dótt­ir hef­ur verið ráðin aðstoðarþjálf­ari meist­ara­flokks kvenna í KR  í knatt­spyrnu og styrkt­arþjálf­ari meist­ara­flokks og yngri flokka fé­lags­ins. Þetta kem­ur fram á vef fé­lags­ins.

Þorkell Máni í þjálfarateymi Keflavíkur

18-11-2014
Þorkell Máni Pétursson hefur bæst í þjálfarateymi Keflavíkur en hann er búinn að skrifa undir samning hjá félaginu. Þetta staðfesti Máni í samtali við Fótbolta.net í dag. 

Kristján Guðmundsson gerði í haust nýjan samning við Keflvíkinga en Gunnar Magnús Jónsson var honum til aðstoðar á síðasta tímabili. 
 

Ómar sæmdur gullmerki KÞÍ og Loga afhent sitt gullmerki

13-11-2014
Á aðalfundi KÞÍ í kvöld var Ómar Jóhannsson sæmdur gullmerki KÞÍ og einnig sæmdur silfurmerki KSÍ við sama tækifæri. Ómar hefur verið gjaldkeri KÞÍ undanfarin sextán ár og gaf ekki kost á sér til áframhaldandi starfa í stjórn KÞÍ á aðalfundinum í kvöld.
 

Viðurkenning fyrir vel unnin störf í þjálfun yngri

13-11-2014
Jón Hálfdán Pétursson, Kjartan Stefánsson og Þórður Einarsson hlutu allir viðurkenningu fyrir vel unnin störf við þjálfun yngri flokka á aðalfundi KÞÍ. Allir hafa þeir lagt mikinn metnað í þjálfunina og verið knattspyrnuþjálfurum til sóma við störf sín.  Jón Hálfdán gat því miður ekki verið viðstaddur.

Rúnar Páll og Ólafur Þór þjálfarar ársins

13-11-2014
Á aðalfundi Knattspyrnuþjálfarafélags Íslands útnefndi félagið þjálfara ársins á efstu deildum karla og kvenna. Rúnar Páll Sigmundsson þjálfari Íslandsmeistara Stjörnunnar var útnefndur þjálfari ársins í efstu deild karla fyrir árið 2014 og Ólafur Þór Guðbjörnsson  þjálfari Íslandsmeistara Stjörnunnar var útnefndur þjálfari ársins í efstu deild kvenna fyrir árið 2014.

Breyting á stjórn KÞÍ

13-11-2014
Ein breyting varð á stjórn KÞÍ á aðalfundi félagsins í kvöld.  Ómar Jóhannsson gaf ekki kost á sér til áframhaldandi starfa í stjórn KÞÍ. 
 
 
 

Óbreytt árgjald

13-11-2014
Á aðalfundinum lagði stjórn KÞÍ til að árgjald félagsins yrði óbreytt næsta árið, fjögur þúsund krónur og var það samþykkt.  Stefnt er að því að hafa eitthvað innifalið í árgjaldinu, en hvað það verður kemur í ljós næsta sumar.
 
 

Skýrsla stjórnar KÞÍ 2014

13-11-2014
Á síðasta aðalfundi sem haldinn var 21 .nóvember 2013 í fræðslusetri KSÍ var kosin stjórn sem skipti með sér verkum á fyrsta stjórnarfundinum á starfsárinu.

Sigurður Þórir og Kristján fara á ráðstefnu AEFCA í Króatíu

12-11-2014
Sigurður Þórir Þorsteinsson formaður KÞÍ og Kristján Guðmundsson varaformaður KÞÍ fara á árlega ráðstefnu Evrópska knattspyrnuþjálfarafélagsins ( AEFCA ) sem haldin verður í Zagreb í Króatíu 10. - 11. desember n.k. 

Aðalfundur Knattspyrnuþjálfarafélags Íslands

11-11-2014
Aðalfundur Knattspyrnuþjálfarafélags Íslands verður haldinn í fræðslusetri KSÍ á Laugardalsvelli, fimmtudaginn 13. nóvember n.k. klukkan 20:00.

Magni Fannberg þjálfari Brommapojkarna

11-11-2014
Magni Fannberg hefur skrifað undir tveggja ára samning við Bromm­a­pojkarna um þjálfun aðalliðs félagsins. BP féll úr sænsku úrvalsdeildinni á liðnu tímabili. 

Magni er 35 ára og hefur þjálfað yngri lið félagsins með góðum árangri undanfarin ár. 
 
 

KSÍ II þjálfaranámskeið á Akureyri 28. - 30. nóvember

05-11-2014
Knattspyrnusamband Íslands mun halda KSÍ II þjálfaranámskeið á Akureyri helgina 28.-30. nóvember. Þátttökurétt hafa allir þjálfarar sem lokið hafa 1. stigs þjálfaranámskeiði KSÍ.
 

Ómar Freyr tekur við ÍH

04-11-2014
merki ÍHÓmar Freyr Rafnsson, oft kallaður bangsi, hefur verið ráðinn þjálfari ÍH. 

Ómar spilaði með ÍH á sínum tíma en hann hefur einnig leikið með Huginn, Haukum, Álftanesi og Sindra. 
 
 

Fréttabréf AEFCA

04-11-2014
AEFCA, evrópska knattspyrnuþjálfarafélagið gefur reglulega út fréttabréf. Fréttabréf október 2014 má nálgast með því að smella hér á AEFCA newsletter

KSÍ III þjálfaranámskeið 21.- 23. nóvember 2014

04-11-2014
Knattspyrnusamband Íslands mun halda 3. stigs þjálfaranámskeið helgina 21.-23. nóvember. Námskeiðið er opið öllum sem lokið hafa við fyrstu tvö stigin, þ.e. KSÍ I og KSÍ II þjálfaranámskeið.

KSÍ V þjálfaranámskeið haldið 7. - 9. nóvember

04-11-2014
Helgina 7. - 9. nóvember mun Knattspyrnusamband Íslands standa fyrir 5. stigs þjálfaranámskeiði í höfuðstöðvum KSÍ. Þátttökurétt á námskeiðið hafa allir þeir þjálfarar sem eru með KSÍ B/UEFA B þjálfaragráðu og fengu a.m.k. 70 af 100 í skriflega KSÍ B prófinu. 

Samstarfsaðilar