Fréttir


Sigurður Helgason tekur við Gróttu

30-08-2010
Stjórn knattspyrnudeildar Gróttu hefur ráðið Sigurð Helgason til að taka við þjálfun á meistaraflokki félagsins. Sigurður hefur þjálfað yngri flokka félagsins síðustu árin með góðum árangri og er núverandi þjálfari 2. og 3. flokks hjá félaginu. Sigurður mun taka strax við meistarflokki félagsins og stýra liðinu síðustu leikjum liðsins í 1.deildinni þar sem Grótta er í mikilli baráttu að halda sínu sæti í deildinni.

Ferð til Tékklands með norskum knattspyrnuþjálfurum

28-08-2010
Norska Knattspyrnuþjálfarafélagið hefur boðið KÞÍ að senda tvo fulltrúa í námsferð með norskum knattspyrnuþjálfurum til Tékklands, nánar tiltekið, Prag. Tékkar hafa fengið viðurkenningu fyrir framúrskarandi barna og unglingaþjálfun undanfarin ár og bera úrslit landsliða þeirra þess glöggt merki. Þá er óþarfi að telja upp þá Tékknesku leikmenn sem spila með mörgum af bestu liðum Evrópu.

Dragan Stojanovic hættur með Þór/KA - Viðar Sigurjónsson tekinn við

27-08-2010
Í gær steig Dragan Kristinn Stojanovic til hliðar sem þjálfari Þór/KA og mun þar af leiðandi ekki stýra liðinu í síðustu leikjum liðsins í Pepsí-deildinni. Þessa ákvörðun tilkynnti Dragan leikmönnum liðsins fyrir æfingu í gær og knattspyrnudeild Þórs staðfesti þessi tíðindi.  
 

Vel heppnuð ráðstefna í tengslum við bikarúrslitaleikina

14-08-2010
KÞÍ í samvinnu við KSÍ stóðu fyrir ráðstefnu í tengslum við úrslitaleikina í VISA bikarkeppnum karla og kvenna.  Fjöldi knattspyrnuþjálfara mætti á ráðstefnuna sem þótti takast mjög vel.  Aðal fyrirlesari á ráðstefnunni var Stuart Baxter landsliðsþjálfari Finnlands í karlaflokki.

Dagskrá Bikarúrslitaráðstefnu KÞÍ og KSÍ

11-08-2010
Eins og fram hefur komið mun KÞÍ í samvinnu við KSÍ standa fyrir ráðstefnu í tengslum við úrslitaleiki í VISA bikarkeppni karla og kvenna. Undanfarin ár hafa þessir viðburðir verið vel sóttir af þjálfurum. Í ár verður ráðstefnan haldin sameiginleg á laugardeginum í húsakynnum KSÍ í Laugardal. 

Njáll Eiðsson tekinn við Víði Garði

08-08-2010
Njáll Eiðsson hefur verið ráðinn þjálfari Víðis í Garði en hann mun stýra liðinu út tímabilið.  Njáll tekur við liðinu af Jakobi Má Jónharðssyni sem hætti með Víðismenn í gær.

Opin æfing hjá A-landsliði karla

07-08-2010
Ólafur Jóhannesson A-landsliðsþjálfari karla býður alla þjálfara velkomna að fylgjast með æfingu A-landsliðs karla sem fer fram á Framvellinum þriðjudaginn 10. ágúst kl 10.30.  Þeir þjálfarar sem hafa lokið við KSÍ B eða KSÍ A gráðu geta fengið 3 tíma í endurmenntun með því að fylgjast með æfingunni og skila inn skýrslu um æfinguna til fræðsludeildar KSÍ. 

Jakob Már Jónharðsson hættur þjálfun Víðis

07-08-2010
Jakob Már Jónharðsson er hættur þjálfun 2. deildarliðs Víðis úr Garði en þetta kom fram í tilkynningu frá félaginu í morgun.

Bikarúrslitaráðstefna KÞÍ og KSÍ laugardaginn 14. ágúst

06-08-2010
Í tengslum við úrslitaleiki í VISA bikarkeppni karla og kvenna mun Knattspyrnuþjálfarafélag Íslands í samstarfi við Knattspyrnusamband Íslands standa fyrir ráðstefnu. Undanfarin ár hafa þessir viðburðir verið vel sóttir af þjálfurum. Í ár verður ráðstefnan haldin sameiginleg á laugardeginum í húsakynnum KSÍ í Laugardal. 

Endurmenntun þjálfara - Viðtal við Heimi Guðjónsson

27-07-2010

Hér má sjá viðtal við Heimi Guðjónsson en viðtalið er hluti af endurmenntun fræðsludeildar KSÍ.

John stýrir Aftureldingu - þriðji meistaraflokkurinn

23-07-2010
Írinn John Andrews hefur verið ráðinn þjálfari kvennaliðs Aftureldingar en þetta var leikmönnum félagsins tilkynnt á fundi rétt í þessu. Fyrr í dag hafði félagið staðfest að Ásgrímur Helgi Einarsson hafi látið af störfum af persónulegum ástæðum.

Ásgrímur Helgi hættur með Aftureldingu

23-07-2010
Ásgrímur Helgi Einarsson er hættur sem þjálfari Aftureldingar. Þetta staðfesti hann sjálfur við Fótbolta.net rétt í þessu en frétt þessa efnis hafði birst á mbl.is fyrir skömmu.

,,Ég óskaði eftir þessu sjálfur af persónulegum ástæðum," sagði Ásgrímur Helgi við Fótbolta.net í dag.

 

KSÍ VI þjálfaranámskeið í Englandi í janúar 2011

19-07-2010
KSÍ heldur VI. stigs þjálfaranámskeið í Wokefield Park, Englandi dagana 9.-16. janúar 2011.  Reiknað er með að fleiri þjálfarar sæki um námskeiðið en hægt er að taka inn.  Umsækjendur þurfa því að fylla út umsóknareyðublað.  Umsækjendur verða að hafa lokið KSÍ V þjálfaranámskeiði eða verða að taka KSÍ V þjálfaranámskeið sem haldið verður í nóvember á þessu ári.

Logi Ólafsson hættur hjá KR - Rúnar tekinn við

19-07-2010
Logi Ólafsson hefur verið rekinn sem þjálfari KR þetta staðfesti Kristinn Kjærnested formaður knattspyrnudeildar KR.  Hann staðfesti að Rúnar Kristinsson taki við og Pétur Pétursson verða honum til aðstoðar.

Daði Dervic hættur með Aftureldingu - Þorsteinn tekur við

15-07-2010
Afturelding úr Mosfellsbæ tillkynnti nú í kvöld að Izudin Daði Dervic sé hættur þjálfun liðsins og Þorsteinn Magnússon sem var þjálfari í yngri flokkum félagsins tekur við starfi hans.

Bagg er bögg – Átaksverkefni gegn munntóbaksnotkun

14-07-2010
KSÍ, Jafningjafræðslan og Lýðheilsustöð hafa snúið bökum saman í baráttunni gegn notkun munntóbaks undir slagorðinu „Bagg er bögg“.  Átakinu er ætlað að sporna við aukinni munntóbaksnotkun hjá ungu fólki, þar sem áhersla er lögð á unga knattspyrnuiðkendur.  Verkefnið var kynnt á blaðamannafundi í höfuðstöðvum KSÍ í dag.

Kristófer hættur að þjálfa Reyni - Kjartan Másson tekinn við

12-07-2010

Knattspyrnudeild Reynis og Kristófer Sigurgeirsson hafa komist að samkomulagi um að hann láti af störfum nú þegar, og óska þeir honum velfarnaðar.

Jafnframt þessu hefur Kjartan Másson hin gamla kempa verið ráðinn sem þjálfari og til aðstoðar honum eru Ólafur Ívar Jónsson og Sinisa Valdimar Kekic.

Willum og Þorvaldur með UEFA Pro gráðu

07-07-2010
Í lok júní útskrifuðust tveir íslenskir þjálfarar með UEFA Pro þjálfaragráðu frá enska knattspyrnusambandinu. Það voru þeir Willum Þór Þórsson, þjálfari Keflavíkur, og Þorvaldur Örlygsson, þjálfari Fram. Við sama tilefni var nýtt UEFA Pro námskeið sett af stað þar sem Heimir Hallgrímsson, þjálfari ÍBV, er meðal þátttakenda.

KSÍ er komið á Facebook!

02-07-2010

KSÍ hefur sett á laggirnar opinbera Facebook-síðu sína, sem verður með svolítið öðruvísi sniði en vefur sambandsins, ksi.is.  Á Facebook-síðunni (KSÍ - Knattspyrnusamband Íslands) er póstað ýmsu áhugaverðu efni tengdu íslenskri knattspyrnu.

Þjálfaranámskeið á haustmánuðum 2010

30-06-2010
Búið er að ákveða dagsetningar fyrir þjálfaranámskeið KSÍ sem haldin verða nú á haustmánuðum.  Einnig má sjá drög af dagskrá fyrir fyrstu mánuði 2011.  Athygli er vakin á því að endurmenntunanámskeið og önnur námskeið verða auglýst sérstaklega.  Í flestum tilfellum eru námskeið haldin í Reykjavík en þau eru haldin einnig úti á landi eftir óskum og/eða þörfum.

Samstarfsaðilar