Fréttir


Tvö KSÍ I þjálfaranámskeið verða haldin í október

16-09-2009

Knattspyrnusamband Íslands mun á næstu vikum halda tvö 1. stigs þjálfaranámskeið. Annars vegar er um að ræða námskeið sem haldið verður helgina 9.-11. október og hins vegar námskeið sem haldið verður helgina 16.-18. október.

Bókleg kennsla fer fram í fræðslusetri KSÍ og verkleg kennsla í knattspyrnuhúsinu Kórnum í Kópavogi. Þátttökugjald er kr. 15.000,-

Opnað hefur verið fyrir skráningu en hægt er að skrá sig með því að senda tölvupóst á dagur@ksi.is eða með því að hringja í síma 510-2977. Eftirfarandi upplýsingar þurfa að koma fram við skráningu: Nafn, kennitala, heimilisfang, gsm-símanúmer, félag (ef við á) og hvort námskeiðið þið óskið eftir að sækja (9.-11. október eða 16.-18. október).

Dagskrá námskeiðsins sem haldið verður 9.-11. október má sjá hér í viðhengi. Dagskrá námskeiðsins sem haldið verður 16.-18. október verður mjög svipuð ef ekki alveg eins.


Samstarfsaðilar