Fréttir


Edda Garðarsdóttir tekur við KR

05-10-2015
Morgunblaðið greinir frá því á vef sínum að Edda Garðarsdóttir, fyrrverandi landsliðskona í knattspyrnu, verði næsti þjálfari kvennaliðs KR.
 
Edda tekur við af Björgvini Karli Gunnarssyni sem hefur gert góða hluti með KR síðan hann tók við liðinu í annað sinn árið 2013.

Björgvin kom KR upp í Pepsi-deildina og stýrði liðinu frá falli í sumar. Edda var aðstoðarþjálfari Björgvins í ár.

Edda varð sex sinnum Íslandsmeistari með kvennaliði KR og fjórum sinnum bikarmeistari, auk þess að verða bæði Íslands- og bikarmeistari með Breiðablik árið 2005.

Edda varð einnig bikarmeistari með Örebro í Svíþjóð þar sem hún lék í þrjú ár áður en hún tók hálft tímabil hjá Chelsea og hélt svo heim til að spila með Val.

Samstarfsaðilar