Fréttir


Stefán Arnar og Haukur taka við Tindastóli

23-10-2015

Tindastóll sendi frá sér tilkynningu í morgun þess efnis að félagið hafi gengið frá ráðningu á nýjum þjálfara fyrir meistaraflokk karla en þeir taka við af Sigurður Halldórssyni, Sigga Donna.

Við starfinu taka tveir heimamenn, þeir Stefán Arnar Ómarsson (1982) og Haukur Skúlason (1981).

Hafa þeir leikið fjölda meistaraflokks eikja með félaginu auk þess að hafa góða þjálfaramenntun.

Báðir hafa þeir þjálfað yngri flokka Tindastóls en síðustu ár hefur Stefán Arnar þjálfað yngri flokka Þróttar í Reykjavík. Þeir þekkja því innviði félagsins vel og ekki síður leikmenn liðsins.

„Knattspyrnudeild Tindastóls telur sjálfsagt og rétt að gefa sínum ungu þjálfurum tækifæri og telur þetta réttan tímapunkt til slíks. Samningur þeirra er til eins árs," sagði í tilkynningu félagsins.

Tindastóll féll úr 2. deild í sumar og leikur því í 3. deild á næsta ári.


Samstarfsaðilar