Fréttir


Óskar Bragason verður aðstoðarþjálfari KA

14-11-2015

merki KAKA tilkynnti í gær að Óskar Bragason hafi verið ráðinn aðstoðarþjálfari liðsins fyrir komandi tímabil í 1. deild karla.

Hann mun verða aðstoðarmaður Srdjan Tufegdzic sem tók við liðinu af Bjarna Jóhannssyni í sumar.

Í sömu andrá var teymið sem mun vinna í kringum KA-liðið tímabilið 2015/2016 opinberað.

„Það er gríðarlega flottur hópur fólks sem mun vinna í kringum liðið á komandi misserum og eru KA-menn gríðarlega ánægðir með það að vera með þau í sínu liði," segir í tilkynningu félagsins.

Eins og fyrr segir mun Óskar Bragason aðstoða Srdjan Tufegdzic en ásamt þeim tveimur mun Doctor Petar sjá um liðs- og búningastjórn, Eggert Sigmundsson markmannsþjálfun, Helgi Steinar Andrésson mun vera sjúkraþjálfari og Anna Birna Sæmundsdóttir mun vera liðstjóri og nuddari liðsins.


Samstarfsaðilar