Fréttir


KSÍ III þjálfaranámskeið á Akureyri

15-12-2015

Knattspyrnusamband Íslands mun halda 3. stigs þjálfaranámskeið á Akureyri helgina 15.-17. janúar 2016. Námskeiðið er opið öllum sem lokið hafa við fyrstu tvö stigin, þ.e. KSÍ I og KSÍ II þjálfaranámskeið.

Námskeiðið samanstendur af þessu helgarnámskeiði auk 20 tíma í þjálfun hjá félagi. Upplýsingar um það verkefni fá finna í viðhengi.

Áætlað er að halda KSÍ IV þjálfaranámskeið á höfuðborgarsvæðinu 5.-7. febrúar. Þeir þjálfarar sem ætla að taka þessi tvö námskeið eru því hvattir til að byrja á sínu verkefni sem fyrst svo það sé að mestu búið þegar kemur að 4. stiginu.

Dagskrá námskeiðsins er í vinnslu og verður auglýst síðar. Námskeiðsgjald er 25.500 kr.

Opið er fyrir skráningu á námskeiðið en hægt er að skrá sig með því að senda tölvupóst á dagur@ksi.is og eins með því að hringja í síma 510-2977. Eftirfarandi upplýsingar þurfa að fylgja skráningunni: Nafn, kennitala, tölvupóstfang, símanúmer og félag.

Áhugasamir eru vinsamlegast beðnir um að skrá sig tímanlega, sé þess kostur.

Viðhengi.


Samstarfsaðilar