Fréttir


Hvernig er að vera hinsegin íþróttamanneskja á Íslandi í dag?

23-05-2016

merki_isiMiðvikudaginn 25. maí verður haldinn opinn hádegisfundur (kl. 12:00-13:00) í sal E í Íþróttamiðstöð ÍSÍ í Laugardal.

Viðfangsefnið er - Hvernig er að vera hinsegin íþróttamanneskja á Íslandi í dag?

María Helga Guðmundsdóttir, landsliðskona í karate, íþróttaþjálfari og jafningjafræðari á vegum Samtakanna '78, fjallar um stöðu hinsegin fólks í íþróttum og leiðir til að stuðla að því að allt íþróttafólk geti hámarkað árangur og ánægju í íþróttaheiminum.

Í fyrirlestrinum verður ýmsum umræðuefnum velt upp: Hvað er kynjakerfið og hvernig hefur það áhrif á íþróttamenningu? Hvað þýða hugtök eins og intersex og kynsegin? Hvernig birtast fordómar á grundvelli kynhneigðar, kynvitundar og kyneinkenna í íþróttum? Hvaða reglur gilda um þátttöku trans og intersex fólks í kynjaskiptum keppnisíþróttum? Og hvað er hægt að gera sem þjálfari eða liðsfélagi til að styðja hinsegin fólk í íþróttum og stuðla að opnu og fordómalausu umhverfi?

Tengill á viðburðinn á Facebook:

https://www.facebook.com/events/1152023184849952/

Tengill til að skrá sig á fundinn:

http://isi.is/fraedsla/hadegisfundir/-skraning-hadegisfund/


Samstarfsaðilar