Ólafur verður hægri hönd Ásmundar Arnarssonar þjálfara á næsta tímabili.

Undanfarin tvö tímabil hefur Ólafur þjálfað kvennalið Vals en ljóst varð á dögunum að hann myndi ekki halda áfram þar.

„Fleiri félög en Fram voru að reyna að ná í þennan hæfa þjálfara til sín en Ólafur ákvað að taka slaginn með Fram," segir á heimasíðu Fram.

Ólafur er 41 árs en hann þjálfaði meistaraflokk karla hjá Gróttu í tvö ár áður en hann tók við kvennaliði Vals.

Fram endaði í 6. sæti í Inkasso-deildinni á nýliðnu tímabili.